الصراحة العنوان يبان فيه غير الهموم نعم الدنيا هموم كثيرة خاصة مؤخرا
الطفولة هم و العمل هم و الزواج سيد الهموم و السكن هم ميتحلش و العالم مجموعة هموم لبلدان مهموم تحوس تزيد الهم على بلدان قاتلها الهم و عايشة فيه
العرب هم عايشين في وهم خلقولهم اكبر صانعين الهموم من يهود و ماسونيين و الخارجين على الملة ممن سيكون في اخر هذا الهم ان شاء الله في هم
منين نبدا بهم يفرح و هم يبكي و هم يزيد الهم على الهم
هو موضوع ما نقول كبير و ما نقول صغير لكن هو هم كيف باقي لهموم كيف رايح نكملوا وحتى انا كلي هموم
الاكيد مراحش يكمل لخاطر كل ما يروح هم يجي هم اكثر منو
نحكيلكم حكاية:
كانت فيه بلاد عايشة في هم ناضو ولادها قالو بركانا خلاص مبقاش فينا شرق و غرب ولا شمال و جنوب لا قبلي ولا عربي و لا قبايلي لا شاوي مليح ياو تفاهمو باش ينحو بعض الهم من الهم لي كان بيهم
كانو عارفين بلي الهموم كبيرة اول هام لازم يلغوا الهم لكبير لي راهو سيد كل همومهم
المهم اتفقوا قالوا خلاص مبقاش فينا صبر و هذا الهم لازم يتغم
كانوا ابطال كبار فيهم لي مات و فيهم لي صبر حتى اخر عام لي باش يتخلصوا فيهم من الهم
المهم هذو لي بقاو واش نقولكم زينة الرجال حتى سيد الهام كانو بالنسبة ليهم هم كبير هذا و زعمة هو لي كان يخلق في الهم
الله الله عليهم اسماؤهم كبيرة يا خاوتي كي تسمعهم تحس كان طاقة كبيرة تسري في جسمك تحس بالفخر و تقول محال هذو كانو من هذي لبلاد بلاد الهم ههههههه
ايه صح هم و هم وهم بزاف ياك لكن اصبروا رانا غير كيف بدينا التالي اكثر و اكثر
المهم خلاص قرب باش يخلصوا من الهم الاول لي كان هاممهم سنين طويلة وماتو في جال باش ينحوه ناس كثر كانو اسياد الملاحم يا خوتي كانوا كبار بزاف
بقاو جماعة منهم مماتوش حتى السنة الاخير لي كان رايح يغادر فيها هذا الهم بعد ما ربحوا هذو الابطال اكبر المعارك و خلاوه يضوق بعض من الهم لي كان يذوق فيهم فيه
ضرك المشكلة جاهم فيروس ؟
واش هو هذا الفيروس ؟
الفيروس يقول: اذا راح هذا الهم شكون يخلف هذا الهم ويرجع كبير هذي لبلاد نتاع الهم؟
المهم هنا بدات الاطماع و خرج برازيت جديد، وهنا بدا الهم لكبير نتاع بلاد الهم هذي لي راني نحكيلكم عليها
اذا بقاو هذو الكبار و الابطال اكيد هوما لي يحكموا بلاد الهم هذي اذن ما الحل؟
قالوا الراجل لي يجيك منو الهم تاويه وهني راسك من الهم
مالا يا خوتي هذا قتلوه في طيارة رايحة تفاوض في بلاد وحدة اخرى باش تنحي الهم بينها و بين جارتها نتاع الهم
وهذا لي قتلوه قبل ما يقولوا خلاص بلادنا معادش فيها الهم دارولو قنبلة في الراديو نتاع الهم
وهذا يا خاوتي فكتاوه و نفاوه وقالولو بلاد فيها الهم روح و نهار يروح الهم ارواح
نهار جابوه قتلوه و الشعب نتاع الهم يتفرج
واحد قالو عليه دكتاتور و ما شاركش في الحرب ضد الهم و قالوا حكمها دبوس وهو لي زاد الهم فوق الهم
وهكذا شوهوا السمعة نتاع الراجل و بالرغم من ان الارشيف كامل يحكي و يقول هذا الراجل كان هو سيد الهم لي دخل الهم للي كان قاتلنا بالهم هذي 130 سنة و خلى الشعر ينوض في رجليه
واحد جاهم وقال يا خاوتي بلانا عزيمة تنحي الهم هذا من باقي همومها باش تتفرغ لهمها الداخلي
دارولو لعبة دومينو و ودارولو قفلة دوبل سيس وجابوه في لاتوش وقالوا عليه كان سراق و طماع و كان مشروع دكتاتور فاشل و تهنينا من همو كي راح و خلانا في همنا، همنا لي فينا خير من همو لو زاد علينا
المهم لبلاد دخلت في هم كبير صاحب القفلة دوبل سيس كان لعبها مليح حتى ينحيه لكن لما فاقوا راحو نحوه حتى ميكونش بطل كبير و جابو لهذي لبلاد نتاع الهم شيخ كبير كان الهم لي فيه اكثر من الهم لي جاي ليه
المهم قالهم ارفع راسك ياو وجه الهم هذي بلادك همها همك و انت همها لكبير هههه
و ثبيت قبضها وقال منيش خارج منها و تجيبوا لي تجيبوه انا همكم لي مكاش هم ينحيه.
و الحق مشات لبلاد نتاع الهم و شعبها نتاع الهم قاعد غير يصفق برغم الهم لي بيه يكذب على روحو و يقول راني مليح و نقص الهم عليا
ايا نهار قال هذا الشيخ خلاص انا مبقيتش هم و باغي نخرج وانا نحيت على هذا الشعب نتاع الهم بعض من الهم
ايا قالهم نحاسب و السراق يتحاسب، و نجبد دوسيات الهموم نتاع الرجال لي دارت هذا الهم كامل
وبدات فضائح شركات الذهب الاسود نتاع الهم محب لا يخلاص ولا يخلي الشعب يتهنى من الهم و يعيش كيما باقي البلدان لي عندهم من هذا الهم
قالوا يخلاص محبش يخلاص منين رايح يزيد و منين رايح يزيدوا عدد القنوات المجانية لي راهي تسربي فيه لبلدان تدي ومتخلصش علاه تخلص و لبلاد حاكمها هم و هم و فوقهم هم تابعين لهذو الامم نتاع الهم
وخرجلنا خليفة ولد خليفة كان داير طابلة دخان يبيع في الشمة فابريكة و النسيم و الماصة و الشمة عربية رجع بين ليلة و ختها نتاع الهم يشري في الطيارات و الاندية و دار بنوك يلايم فيها هم الناس الزوالية نتاع الهم داتهم طمعة نتاع 6 بالمائة زيادة على البنك نتاع الدولة نتاع الهم
لايم دراهمهم كلهم و حكم طيارة من طياراتهم و قالهم القافز فيكم يحكم
و الشعب نتاع الهم يصفق ماشي لاتي بيهم لاتي مسكين بشرو و الهم لي بيه منين قاعد غير يزيد هم فوق هم
و بدات تخرج فضيحة مورا ختها وبدات طيح اقنعة و اخرى
جانا بو نواظر وزيد ويقول انا عطاتني الدولة تحت لونساج و تشغيل الشباب و عندي حق ندير كريدي كيما باقي الشعب نتاع الهم
وراح يا خاوتي لون لبلاد كلها برتقالي و الجامعات صارت كانها تشجع المنتخب الهولندي ولا كوديفرا البرتقالي
حتى نهار جات الكوديفوار تلعب في هذي لبلاد قالوا حسينا ارواحنا مشينا من بلادنا لبلادنا
ولما طاح القناع و بان بلي لا لونساج ولا تشغيل الشباب بل تخوبيث و ومكر و خداع و سرقة عيني عينك قام و عمل خطوة باش يبان بطل كبير و بلي راجل مكاش كيفوا لكن كيف؟
قدم للشعب استقالة كتب عليها: استقيل من الهم لكن لا تخافوا راجع و نجيب معي هم فوق الهم لي درتوا
و الحق طاح و الشعب يقول هذا العربي و الوحيد من وجوه الهم لي قدم استقالة قبل ما يلاقيه القبر و يديه من كرسي الذهب الا تراب مليان دود تنهش فيه لحم الشعب نتاع الهم لي كلاه
ولما هدات الامور:
وقلنا خلاص
طاح شيخنا وراح للبلاد لي كان دايرة على بلادو الهم مدة 130 سنة باش يداوي من الهم لي صابوا
ولما بدا يتعافى داوه لبيت المتقاعدين ، متقاعدين جيش الهم لي كان يقتل في اولاد بلادو نتاع الهم
ثم رجع ويقول بلادي في تطور ورايحة تقضي على الهم
ضرب 15 عام فاتت كيف البرق مدرناش فيها مستشفى يعالجنا من الهم لي صاب شيخنا باش ميروحش لبلاد الهم لي صاب كامل شعبنا.
والمهم نطق واحد من ......... قالهم جيبوا لي سرق الذهب الاسود و كامل العائلة نتاعو لازم يتحطو في الحبس و نورولهم كيف يحطو شعب الهم في الهم.
اذا حسبنالو انا واحد من الناس نقولوا ارواح متخافش من الحبس علاه؟
اقصى عقوبة يديها 10 سنين و من العيد للعيد تقيسوا قانون الرحمة و يخرج
لو نقسموا قيمة المالي لي سرقوا على عدد الايام لي رايح يقضيها في الحبس حتى لو يعاقب ب 10 سنين نلاقي عن كل يوم 250 مليون سنتيم الله اكبر يا بلاش ولا حتى لي يخدم في الخليج؟
بصراحة حتى الامير في الخليج ميخلصش 250 مليون سنتيم في اليوم هههههه يارجل ارواح برك خاصة و انو الحبس نتاعنا بفضل حكمة شيخنا رجع ولا فنادق 5 نجوم
حتى وصلنا مرة جاونا جماعة سياح قالوا يارت نباتو في احد سجونهم خير من فنادقهم ؟؟؟؟؟؟؟؟؟
ارواح و جيب العائلة كلها تبات ماشي عيب متخافش راهي فنادق متلاقيهاش حتى في مدينة المال و الاعمال لاسفيقاس
و المهم هذي لبلاد مهمومة و همها كل مرة يزيدها الهم على همها السابق
و الاكيد لمعركة الجاية على من سيكون ملك بلاد الهم هذي رايح يكون هم كبير على هذا الشعب نتاع الهم
وياخوف شعبها اذا يجيها هم جيرانها من بلاد ولد العابدين و بلاد مبارك و بلاد الزعيم
ولحد هذاك اليوم القريب جدا رايح يبقى همنا مالي قلبنا ولحد ما يلحق الوقت نشوفوا كيف نوسعوا قلوبنا لهمنا لجديد عيب يبات برا ولا واش قلتوا يا خاوتي؟
نخليكم على خير و ان شاء الله يروح الهم على همنا ويبقى غير الهم لي يهمنا آآآآآآآآآآآآآآآآآآآآآآمين
سلام
الطفولة هم و العمل هم و الزواج سيد الهموم و السكن هم ميتحلش و العالم مجموعة هموم لبلدان مهموم تحوس تزيد الهم على بلدان قاتلها الهم و عايشة فيه
العرب هم عايشين في وهم خلقولهم اكبر صانعين الهموم من يهود و ماسونيين و الخارجين على الملة ممن سيكون في اخر هذا الهم ان شاء الله في هم
منين نبدا بهم يفرح و هم يبكي و هم يزيد الهم على الهم
هو موضوع ما نقول كبير و ما نقول صغير لكن هو هم كيف باقي لهموم كيف رايح نكملوا وحتى انا كلي هموم
الاكيد مراحش يكمل لخاطر كل ما يروح هم يجي هم اكثر منو
نحكيلكم حكاية:
كانت فيه بلاد عايشة في هم ناضو ولادها قالو بركانا خلاص مبقاش فينا شرق و غرب ولا شمال و جنوب لا قبلي ولا عربي و لا قبايلي لا شاوي مليح ياو تفاهمو باش ينحو بعض الهم من الهم لي كان بيهم
كانو عارفين بلي الهموم كبيرة اول هام لازم يلغوا الهم لكبير لي راهو سيد كل همومهم
المهم اتفقوا قالوا خلاص مبقاش فينا صبر و هذا الهم لازم يتغم
كانوا ابطال كبار فيهم لي مات و فيهم لي صبر حتى اخر عام لي باش يتخلصوا فيهم من الهم
المهم هذو لي بقاو واش نقولكم زينة الرجال حتى سيد الهام كانو بالنسبة ليهم هم كبير هذا و زعمة هو لي كان يخلق في الهم
الله الله عليهم اسماؤهم كبيرة يا خاوتي كي تسمعهم تحس كان طاقة كبيرة تسري في جسمك تحس بالفخر و تقول محال هذو كانو من هذي لبلاد بلاد الهم ههههههه
ايه صح هم و هم وهم بزاف ياك لكن اصبروا رانا غير كيف بدينا التالي اكثر و اكثر
المهم خلاص قرب باش يخلصوا من الهم الاول لي كان هاممهم سنين طويلة وماتو في جال باش ينحوه ناس كثر كانو اسياد الملاحم يا خوتي كانوا كبار بزاف
بقاو جماعة منهم مماتوش حتى السنة الاخير لي كان رايح يغادر فيها هذا الهم بعد ما ربحوا هذو الابطال اكبر المعارك و خلاوه يضوق بعض من الهم لي كان يذوق فيهم فيه
ضرك المشكلة جاهم فيروس ؟
واش هو هذا الفيروس ؟
الفيروس يقول: اذا راح هذا الهم شكون يخلف هذا الهم ويرجع كبير هذي لبلاد نتاع الهم؟
المهم هنا بدات الاطماع و خرج برازيت جديد، وهنا بدا الهم لكبير نتاع بلاد الهم هذي لي راني نحكيلكم عليها
اذا بقاو هذو الكبار و الابطال اكيد هوما لي يحكموا بلاد الهم هذي اذن ما الحل؟
قالوا الراجل لي يجيك منو الهم تاويه وهني راسك من الهم
مالا يا خوتي هذا قتلوه في طيارة رايحة تفاوض في بلاد وحدة اخرى باش تنحي الهم بينها و بين جارتها نتاع الهم
وهذا لي قتلوه قبل ما يقولوا خلاص بلادنا معادش فيها الهم دارولو قنبلة في الراديو نتاع الهم
وهذا يا خاوتي فكتاوه و نفاوه وقالولو بلاد فيها الهم روح و نهار يروح الهم ارواح
نهار جابوه قتلوه و الشعب نتاع الهم يتفرج
واحد قالو عليه دكتاتور و ما شاركش في الحرب ضد الهم و قالوا حكمها دبوس وهو لي زاد الهم فوق الهم
وهكذا شوهوا السمعة نتاع الراجل و بالرغم من ان الارشيف كامل يحكي و يقول هذا الراجل كان هو سيد الهم لي دخل الهم للي كان قاتلنا بالهم هذي 130 سنة و خلى الشعر ينوض في رجليه
واحد جاهم وقال يا خاوتي بلانا عزيمة تنحي الهم هذا من باقي همومها باش تتفرغ لهمها الداخلي
دارولو لعبة دومينو و ودارولو قفلة دوبل سيس وجابوه في لاتوش وقالوا عليه كان سراق و طماع و كان مشروع دكتاتور فاشل و تهنينا من همو كي راح و خلانا في همنا، همنا لي فينا خير من همو لو زاد علينا
المهم لبلاد دخلت في هم كبير صاحب القفلة دوبل سيس كان لعبها مليح حتى ينحيه لكن لما فاقوا راحو نحوه حتى ميكونش بطل كبير و جابو لهذي لبلاد نتاع الهم شيخ كبير كان الهم لي فيه اكثر من الهم لي جاي ليه
المهم قالهم ارفع راسك ياو وجه الهم هذي بلادك همها همك و انت همها لكبير هههه
و ثبيت قبضها وقال منيش خارج منها و تجيبوا لي تجيبوه انا همكم لي مكاش هم ينحيه.
و الحق مشات لبلاد نتاع الهم و شعبها نتاع الهم قاعد غير يصفق برغم الهم لي بيه يكذب على روحو و يقول راني مليح و نقص الهم عليا
ايا نهار قال هذا الشيخ خلاص انا مبقيتش هم و باغي نخرج وانا نحيت على هذا الشعب نتاع الهم بعض من الهم
ايا قالهم نحاسب و السراق يتحاسب، و نجبد دوسيات الهموم نتاع الرجال لي دارت هذا الهم كامل
وبدات فضائح شركات الذهب الاسود نتاع الهم محب لا يخلاص ولا يخلي الشعب يتهنى من الهم و يعيش كيما باقي البلدان لي عندهم من هذا الهم
قالوا يخلاص محبش يخلاص منين رايح يزيد و منين رايح يزيدوا عدد القنوات المجانية لي راهي تسربي فيه لبلدان تدي ومتخلصش علاه تخلص و لبلاد حاكمها هم و هم و فوقهم هم تابعين لهذو الامم نتاع الهم
وخرجلنا خليفة ولد خليفة كان داير طابلة دخان يبيع في الشمة فابريكة و النسيم و الماصة و الشمة عربية رجع بين ليلة و ختها نتاع الهم يشري في الطيارات و الاندية و دار بنوك يلايم فيها هم الناس الزوالية نتاع الهم داتهم طمعة نتاع 6 بالمائة زيادة على البنك نتاع الدولة نتاع الهم
لايم دراهمهم كلهم و حكم طيارة من طياراتهم و قالهم القافز فيكم يحكم
و الشعب نتاع الهم يصفق ماشي لاتي بيهم لاتي مسكين بشرو و الهم لي بيه منين قاعد غير يزيد هم فوق هم
و بدات تخرج فضيحة مورا ختها وبدات طيح اقنعة و اخرى
جانا بو نواظر وزيد ويقول انا عطاتني الدولة تحت لونساج و تشغيل الشباب و عندي حق ندير كريدي كيما باقي الشعب نتاع الهم
وراح يا خاوتي لون لبلاد كلها برتقالي و الجامعات صارت كانها تشجع المنتخب الهولندي ولا كوديفرا البرتقالي
حتى نهار جات الكوديفوار تلعب في هذي لبلاد قالوا حسينا ارواحنا مشينا من بلادنا لبلادنا
ولما طاح القناع و بان بلي لا لونساج ولا تشغيل الشباب بل تخوبيث و ومكر و خداع و سرقة عيني عينك قام و عمل خطوة باش يبان بطل كبير و بلي راجل مكاش كيفوا لكن كيف؟
قدم للشعب استقالة كتب عليها: استقيل من الهم لكن لا تخافوا راجع و نجيب معي هم فوق الهم لي درتوا
و الحق طاح و الشعب يقول هذا العربي و الوحيد من وجوه الهم لي قدم استقالة قبل ما يلاقيه القبر و يديه من كرسي الذهب الا تراب مليان دود تنهش فيه لحم الشعب نتاع الهم لي كلاه
ولما هدات الامور:
وقلنا خلاص
طاح شيخنا وراح للبلاد لي كان دايرة على بلادو الهم مدة 130 سنة باش يداوي من الهم لي صابوا
ولما بدا يتعافى داوه لبيت المتقاعدين ، متقاعدين جيش الهم لي كان يقتل في اولاد بلادو نتاع الهم
ثم رجع ويقول بلادي في تطور ورايحة تقضي على الهم
ضرب 15 عام فاتت كيف البرق مدرناش فيها مستشفى يعالجنا من الهم لي صاب شيخنا باش ميروحش لبلاد الهم لي صاب كامل شعبنا.
والمهم نطق واحد من ......... قالهم جيبوا لي سرق الذهب الاسود و كامل العائلة نتاعو لازم يتحطو في الحبس و نورولهم كيف يحطو شعب الهم في الهم.
اذا حسبنالو انا واحد من الناس نقولوا ارواح متخافش من الحبس علاه؟
اقصى عقوبة يديها 10 سنين و من العيد للعيد تقيسوا قانون الرحمة و يخرج
لو نقسموا قيمة المالي لي سرقوا على عدد الايام لي رايح يقضيها في الحبس حتى لو يعاقب ب 10 سنين نلاقي عن كل يوم 250 مليون سنتيم الله اكبر يا بلاش ولا حتى لي يخدم في الخليج؟
بصراحة حتى الامير في الخليج ميخلصش 250 مليون سنتيم في اليوم هههههه يارجل ارواح برك خاصة و انو الحبس نتاعنا بفضل حكمة شيخنا رجع ولا فنادق 5 نجوم
حتى وصلنا مرة جاونا جماعة سياح قالوا يارت نباتو في احد سجونهم خير من فنادقهم ؟؟؟؟؟؟؟؟؟
ارواح و جيب العائلة كلها تبات ماشي عيب متخافش راهي فنادق متلاقيهاش حتى في مدينة المال و الاعمال لاسفيقاس
و المهم هذي لبلاد مهمومة و همها كل مرة يزيدها الهم على همها السابق
و الاكيد لمعركة الجاية على من سيكون ملك بلاد الهم هذي رايح يكون هم كبير على هذا الشعب نتاع الهم
وياخوف شعبها اذا يجيها هم جيرانها من بلاد ولد العابدين و بلاد مبارك و بلاد الزعيم
ولحد هذاك اليوم القريب جدا رايح يبقى همنا مالي قلبنا ولحد ما يلحق الوقت نشوفوا كيف نوسعوا قلوبنا لهمنا لجديد عيب يبات برا ولا واش قلتوا يا خاوتي؟
نخليكم على خير و ان شاء الله يروح الهم على همنا ويبقى غير الهم لي يهمنا آآآآآآآآآآآآآآآآآآآآآآمين
سلام
المصدر: منتديات النهار الجديد أون لاين - من قسم: منتدى العام للحوار و النقاش الهادف
il dtvp , df;d d.d] hgil t,r